Miljøverndepartementet har bede Statens Forureingstilsyn om å sjå på miljøkonsekvensane ved seismiske undersøkingar og vurdere om slike må ha tillating etter Forureiningslova for at dei skal kunne skje. Det er klokt.

Interessant. Det rører seg. I rett retning.  

Det fantastiske med saka er at Nordland Høgre støttar å gjere denne vurderinga, medan Nordland Ap er mot.

Eg skjønner ikkje at enkelte av dei som er tilhengarar av olje- og gassverksemd utanfor Lofoten og Vesterålen, er så oppsette på å få gjennomført seismikkskytinga med det konfliktnivået som er no. Leiaren i Nordland AP gjekk før helga ut på NRK Nordland og ba fiskarane slutte å syte!

Syte? Fiskarane er, ikkje utan grunn, urolege for konsekvensane for fisken. Seismikk handlar om å sende trykkbølger ved hjelp av luftkanon. Ved hjelp av teknologi kan ein på bakgrunn av refleksjonane av bølgane, lage tredimensjonale kart av undergrunnen som fortel noko om olje- og gassførekomstar. Det er forska lite på effektane av seismikk, men vi veit at larver og yngel som er like ved der skytinga skjer, blir øydelagde (det betyr vel strengt tatt at dei blir drept). Ein meiner at voksen fisk svømmer unna, men langtidseffektane veit ein mindre om. Havforskningsinstituttet skriv litt meir om seismikk her.

Dette innlegget ble publisert onsdag 21. mai 2008 klokken 21:18 og er arkivert under Ukategorisert. Du kan følge med på responsen til innlegget med RSS 2.0-strømmen. Du kan legge igjen en tilbakemelding eller en tilbakesporing fra din egen side.